2009 оны хувьд нилээд олон онцлох үйл явдал тохиолоо. Сайтын маань толгой зураг ч солигдоогүй нилээд уджээ. Шинэ оноо ямартай ч шинэ толгой зурагтайгаар угтахаар шийдээд Энхтайваны авсан Болороогийн зургийг ашиглан Ононгоор шинэ жилийн уур амьсгал бүхий толгой зурагтай боллоо.

• Шинэ зураг таньд хэр санагдаж байна?

Миний сайтын анхны загвар 2002 онд нэг иймэрхүү байлаа. Зурган дээр дараад том хувилбараар нь харах боломжтой. Дөнгөж доткомын тэсрэлт болж байсан тэр үед өөрийн хуудсаа ийнхүү нээж байлаа. Түүнээс хойш даруй 7 жилийн хугацаа өнгөрчээ. Цаг хугацаа ч хурдан юм. Дараагийн хувилбаруудын сонирхолтой скрийншот байвал дахиж оруулнаа. Харин та манай сайтаар анх хэдэн онд зочилж байв?

Дэлхийн ихэнх улс оронд зуны аагим халуун өдрүүд үргэлжилсээр, гэтэл манайд Наадамын маргааш намар гэгчээр бага зэрэг сэрүүсэх хандлага ажиглагдаж байгаа тул та бүхнийг дулаацуулах үүднээс толгой зургаа нилээн удаан солиогүй байсны эцэст солилоо. График дизайныг Онон хийсэн бөгөөд Оюукагийн зургийг өөрийх нь зөвшөөрөлтэй авч ашигласан болно.

Та хоёртоо баярлалаа, харин таны сэтгэгдэл?

Нийт Монголчууд маань Сайхан Наадаарай.

Монголын 4 сувгийг шууд хүлээн авч үзьэ гэвэл энэхүү хаягаар орж Наадамыг үнэгүйгээр үзээрэй..

Сүүлийн үед хичээл, ажил гээд маш их завгүй байсны дээр хөгжимд дуртай, сонирхолтой хэсэг залуус, тэр дундаа Баттулга болон Өгөөмөр хэмээх хоёр нийтлэгчийн өөрсдийнх нь хүсэлтийн дагуу сайтынхаа нийтлэгч болгосныг та бүхэн анзаарсан байх. Хамгийн сүүлийн үеийн дуу хөгжмийг сайтаар минь дамжуулан хэрэглэгчидэд хүргэж байгаа хоёр нийтлэгчдээ талархалаа илэрхийлье. Сайтаа анхнаас нь эхлээд л ганцаараа “нүдэж” эхэлсэн цаг үе ард хоцорч, энэхүү сайтаар өдөрт дунджаар 900 гаруй хүн зочилж, сайн дураараа сайтад маань нийтлэл бичих хүсэлтэй хүмүүс бий болсонд би хувьдаа их баяртай байгаа, хоёр нийтлэгчдээ амжилт хүсч, үргэлж шинийг эрэлхийлж байхыг хүсье.

УБ-т хаврын налгар өдрүүд аль хэдийнээ эхэлжээ. ТВ ээр нь витамины рекламнууд яваад, хүмүүс нь бага багаар ядарч, сульдаад, гадаа шороогоор үе үе шуураад л. Шинэ толгой зургийг уламжлал ёсоор Онон дизайныг нь гаргаж хийлээ. Гэрэл зургийг Д.Энхтайван авсан бөгөөд загвар зохион бүтээгч Ундраагийн хувцсыг загвар өмсөгч маань өмссөн болно. Таны хувьд шинэ толгой зураг ямархуу санагдаж байна?

2009 оны анхны шинэ толгой зураг

• 2009 он гараад нилээд удсаны эцэст ийнхүү шинэ тэмплэйт суулгаж, шинэ толгой зурагтай болж байна. Энэхүү бүх дизайны шийдлийг гаргаж өгч байдаг дизайнер Онондоо талархалаа.
• Мөн энэхүү модель бүсгүйн өмссөн хувцасыг загвар зохион бүтээгч Ундраа маань урласан юм. Ундраадаа баярлалаа. Түүний хувцаснаас сонирхож байвал надтай холбоо бариарай.
• Гэрэл зургийг мэдээж ХэрээЖи студийн Д.Энхтайван авсан болно. Тайванаадаа баярлалаа.
• Загвар өмсөгч бүсгүйдээ мөн баярлалаа,
• 2009 оны эхний толгой зураг ямар байна?

Миний Компьютер сэтгүүл аас санаачлан Мэдээлэл Харилцаа Холбоо Технологийн Газар, Мидас Монита ТББ, Мэдээлэл Технологийн Үндэсний Паркаас хамтран зохион байгуулсан “Мэдээлэл Холбооны Шилдэг Сонголт 2008” уралдааны Шилдэг Хувь Хүний Блог вэбсайт төрөлд миний энэхүү вэбсайт маань ялагч боллоо. 2000 оноос сонирхолоороо хийж эхэлж байсан жижиг хуудас маань өнөөдөр ийнхүү шилдэг блог болон хөгжиж чадсан нь цаашид ихийг хийх урам зориг надад өгч байна.

2008 он тун удахгүй дуусах гэж байна. Шинэ гарахад үлдсэн хугацааг тоологчийг сайтдаа байрлуулчихлаа, мөн шинэ толгой зурагтай боллоо. Сүүлийн 2 сар нэг зурагтайгаа байсан учраас зарим нэг хүмүүс уйдсан байх. 2008 оны хамгийн сүүлийн толгой зураг буюу шинэ оны зурагт маань Өлзийгийн зураг орж байна. Гэрэл зургийг Д.Энхтайван авсан бөгөөд график дизайныг мэдээж Онон хийсэн болно. Та гуравтаа дахин баярлалаа гэж хэлмээр байна, манай сайтын зочин таньд ямар санагдаж байна?