Сайтын тухай

Манай сайт 2002 оноос хамгийн анх гараагаа эхэлж байсан бөгөөд 2007 он гарсаар шинэ хувилбартаа шилжиж байна. Та бүхний өмнө үзэж байсан тэрхүү хувилбар нь 2005 оны зунаас хойш та бүхэнд хүрч эхэлсэн бөгөөд монголдоо анхны warez сайт гэдэг утгаараа анхдагч байж чадсан билээ.

Homepage маягаар анх хийгдэж ирж байсан цаг саяхан боловч аль хэдийнээ 5 жилийн хугацааг ардаа үдсэн байна. 16 настайдаа хамгийн анх чаат гэдэг зүйлийг сонирхож улмаар түүний тухай илүү дэлгэрэнгүй мэдээллийг тухайн үеийн чаатлагч нарын дунд төдийлөн нээлттэй бус байсан мэдээллийг дэлгэн тавьж байснаар анх гараагаа эхэлж хүмүүсийн сонирхолыг татаж байсан түүхтэй.

Уг сайтыг хийж эхэлж байхдаа л хүмүүсийн хамгийн ихээр хүсдэг зүйл бол дуу хөгжим болон бусад онц сонирхолтой файлуудыг үнэгүйгээр татаж авах явдал байсан гэдгийг ойлгож байв. Ингээд 2005 оны зунаас эхлэн гадны варез сайтуудыг дуурайн монголдоо анхны гэж хэлж болох ижил төстэй сайтыг ажилуулсаар даруй 2 жил болох гэж байна. Энэ хугацаанд араасаа олон олон монголын варез сайтуудыг дагуулсан гэдгийг интернэтээр хэсэх дуртай олон зочид маань гэрч болох байх. Нэгэнт маш олон төрлийн хүчтэй варез сайтууд гарч ирсэн тул тэдэнтэй өрсөлдөхөд бэрх болсон тул өөрийн чаддаг юмаараа дагнасан нь дээр гэж бодсоныг нуух юун..

Цаашид блог төрлийн вэбсайт нь дэлхий дахинаа нилээн хүч түрэн гарч ирж байгаа тул өөрийн тэмдэглэл, бичиж нийтлэх дур хүслээ манай орны залууыг дэлхийн хөгжиж буй орны залуусын соёлтой хөл нийлүүлэн алхаасай гэж бодож, хүсч явдгийн үндсэн дээр уг сайтын шинэ хувилбарыг хийж байгаа болно.

Сүүлийн үед хөдөөнөөс хот руу шилжих хөдөлгөөн ч асар ихэсч үүний нөлөөгөөр шилжин ирж буй залуус маань хотын соёлд суралцахын оронд өөрсдийн хөдөөний соёлоор амьдарсаар байгаа нь харамсалтай санагддагийн хувьд ч мөн энэхүү сайтын маань шинэ хувилбар хийгдэж байгаагийн бас нэгэн зорилго нь оршвой.

• FAQs (Түгээмэл Асуугддаг Асуултууд):

* Хуучин хувилбар дээр байсан файлууд бүгд арчигдсан уу?

Тэгж ойлгож болно, шинээр эхлэхэд кайфтай байдаг шүү дээ.

* Сайтан дээр тавигдсан дуунуудыг хэрхэн татаж авах вэ?

Өдөр бүр хамгийн сүүлийн үеийн, цоо шинэ цомог болон дуунуудыг хүргэдэг тул та аль болох байнга манай сайтаар зочлон тавигдаж буй файлуудыг хурдан татаж авах хэрэгтэй. Үнэгүй сервер дээр байрладаг тул 1 хоногийн дотор л линк нь ажиллахаа болино.

* Ажиллагаагүй болсон файлыг дахин тавьж өгөх боломж бий юу?

Байхгүй. Манай сайтаар маш олон хүн зочилдог, тэр хүн бүрт хүрч үйлчлэх боломж бидэнд байхгүй. Бид энэхүү файлыг таньд тавьж өгсөний төлөө хэн ч бидэнд мөнгө төлдөггүй, цэвэр сонирхолын журмаар хийж байгаа тул линкийг ажиллаж байгаа дээр нь буюу халуун байгаа дээр нь файлаа татаж авах нь таны үүрэг юм.

* Шинээр гарч буй цомог болон синглүүдийг ингэж хамаагүй тавьж болдог юм уу?

Шинээр гарч байгаа зүйлийг танилцуулахаас нааш хүмүүс сонсож мэдэрч чадахгүй шүү дээ, тийм учраас цэвэр танилцуулах зорилгоор тавьдаг учраас хэрэв таньд тэрхүү цомог эсвэл сингл таалагдвал компьютерээсээ устгаад хамгийн ойрхон байгаа дэлгүүрээс очиж худалдаж авах хэрэгтэй.

* Яагаад Монгол дуу тавихгүй байгаа юм бэ?

Монголдуу.ком сайтанд бүх дуу нь байхад би нэмэгдэж яахав, тэгээд ч хүн өөрийн сонирхолдоо хамгийн дуртай байдаг шүү дээ? Тиймээс өөрийн сонирхдог зүйлсээ л хүмүүст хүргэсэн нь илүү үр дүнтэй болов уу.

* Хамтарч ажиллах боломжтой юу?

Болно. Холбоо барих гэсэн хуудасны тусламжтайгаар та бидэнтэй холбоо барьж хэрхэн хамтарч ажиллах тухайгаа зөвлөлдөх боломжтой юм.

* Энэ сайтыг хэдэн хүн хийдэг вэ?

2002 оноос хойш энэхүү сайтыг Хантулга миний бие ганцаараа хийсээр ирлээ.

2002 оноос хойш таныг хүндэтгэсээр ирсэн Хантулга