Өнөөдөр орой орон нутгийн цагаар 18-19 цагийн хооронд 4 жилд нэг удаа нарны бүтэн хиртэлт оросын сибирь, баруун монгол мөн хятадын зарим муж хэсгүүдэд ажиглагдах билээ. Зөвхөн эдгээр газруудад нарны бүтэн хиртэлт ажиглагдах буюу сар маань нарыг бүтэн халхалж буй байдлаараа ажиглагдна. Харин энэ зурвасын 2 талаар нарны хэсэгчилсэн хиртэлт буюу сар маань нарны тодорхой хэсгийг бүрхэж буй байдлаар ажиглагдна. Тухайлбал Улаанбаатар хотоос нарны 90%-ийн хиртэлт ажиглагдах буюу нарны бодит харагдах гадаргын 90% нь сараар халхлагдна. Тэгэхээр хотоос бүтэн хиртэлтийн үеэр ажиглагдах шөнө шиг харанхуй болж одод харагдаж, нарны титэм болон дөл ажиглагдахгүй ч, тодорхой хэмжээгээр харанхуй болно.

Зуны амралт дуусахаас өмнө хөдөө гадаа орж гарах төлөвлөгөөгөө үргэлжлүүлэн уикэндээр Хархорин орохоор явах гэж байна. Та нар ч гэсэн энэхүү гайхамшигтай үргэлжилж буй зуныг үр бүтээлтэй өнгөрөөж байгаа гэдэгт итгэлтэй байна. Нар хур тэгширсэн сайхан зун болж байна даа…