Саяхан тэрбээр АНУ-ын алдарт ФМ радио болох KISS -ийн Ryan Seacrets -ийн шоу нэвтрүүлэгт оролцон ярилцлага өгсөн байна. Шинэ цомог нь “Her Name Is Nicole” нэртэйгээр зунаас худалдаанд гарах аж.

Kanye West, Timbaland, Will I Am, Sean Garret, Polow Don болон бусад алдартай продюссеруудтай энэхүү цомог дээрээ хамтарч ажиллаж байгаа болохоор нилээн халуухан бүтээл гарах нь дамжиггүй.

Мөн тэрбээр PCD хамтлагтайгаа дахин нэг цомог гаргахаар төлөвлөж буй бөгөөд 2007 оны сүүлээр эсвэл 2008 оны эхэнд гаргахаар бэлдэж байгаа юм байна.

PCD хамтлагт шинэ гишүүн оруулан TV Show зохиогоод эхэлчихсэн бөгөөд түрүүлсэн оролцогч нь тус хамтлагт гишүүнээр элсэн орно.

Ингээд хамгийн тасархай бүжиглэдэг, хамгийн халуун биетэй, хамгийн эрч хүчтэй хоолойтой цогц бурханы бүтээл гэж болох хүүхэлдэйн шинэ цомгийг маш олон хүн тэсэн ядан хүлээж байгаа нь дамжиггүй юм.